Published Date: Wednesday, 23 July 2025, 14:57
ڕۆژا سێشه‌مبى ڕێـککەڤتی (٢٠٢٥/٧/٢٣) و ب ئاماده‌بوونا هێژا سه‌رۆكێ زانكۆیێ (پ.د. دیار عبدالكریم سعید) و لگەلدا ئه‌ندامێن جڤاتا زانكۆیێ، و مالباتا خودێ ژێ ڕازى، و هژماره‌كا هه‌ڤال و هه‌ڤپیشه‌یێن وی ڕێوره‌سمێن بلندڕاگرتنا یادا مامۆستایێ خۆدێ ژێ ڕازى (پ.د. مولود حمد نبی) ل هۆلا (رۆژ) هاته ساخكرن.
هه‌ژى گۆتنێ یه، كۆ مالباتا ڕه‌حمه‌تى (پ.د. مولود حمد نبی) په‌رتووكخانەکا تایبه‌ت، كۆ پتر ژ (500) په‌رتووكێن زانستى و ڤه‌كۆلینێن ماسته‌ر و دكتۆرایێ وه‌ك دیارى پێشكێشى په‌رتووكخانا كۆلیژا په‌روه‌رده زانكۆیا زاخۆ كرن.
د ڕێوره‌سماندا؛ په‌یڤا مالباتا خودێ ژێ ڕازى ژلایێ كورێ ڕه‌حمه‌تى ڤه مامۆستا (صدقی مولود حمد)، د په‌یڤا خوە دا سۆپاسیا سه‌رۆكایه‌تیا زانكۆیا زاخۆ كر، هه‌روه‌سا چه‌ندین په‌یڤ ژ لایێ هه‌ڤپیشه‌یێن خۆدێ ژێ ڕازى هاتنه خواندن، ژلایێ هه‌ر ئێك ژ (پ.د. لزگین عبدی جمیل) و (پ.د. محمد سعید محمد) و (پ.د. ستار جبار حاجی) ناڤبریان به‌حس ل ژیانا ئه‌كادیمى و سه‌ربورێن خوە ل گه‌ل كرن.
ل دوماهیا ڕێوره‌سمان په‌رتووكخانا تایبه‌ت یا ره‌حمه‌تى هاته ڤه‌كرن، كۆ دێ خزمه‌ته‌كا مه‌زن پێشكێشى قوتابى و خواندەڤانان كه‌ت. ب تایبەت د بیاڤێ په‌روه‌رده و ڕێكێن وانه‌گوتنێ دا.
خۆدایێ مه‌زن ب دلۆڤانیا خۆه ل گه‌ل بكه‌ت و جهى ئه‌وى به‌هشتا به‌رین بیت.
Developed By ICT & Statistics Center-UoZ
